صباح/ مساء الحيوية والنشاط 
🏼
كيفكم اليوم ؟ أتمنى تكونون بصحة وعافيه
كيف الهمّه ان شاء الله عاليه 
🏼
من اكثر الأسئلة المتكرره تكون عن التمارين، ايش أسوي وايش اكل وكم مره و اي وقت..
بهالموضوع راح تتعرفين عزيزتي على انواع الرياضات بشكل مبسط بعيد عن الكلام العلمي 
مما يساعدك ب اختيار تمرينك الخاص بما يتناسب مع حاجاتك
ايضا راح تتعرفين على كيف تزيدين او تنقصين وزنك بالرياضه، حتى اللي تبي تزيد بمكان وتنقص بمكان بعلمك السر 
راح نعرض الأخطاء الحاصلة بالرياضه وكيف نتجنبها
وأخيرا راح نتطرق للاكل المناسب لرياضيين واللي يساعدك للوصول لهدفك بأذن الله
Types of workouts 
انواع التمارين
تمارين قلبيه (cardio) :
ومن اسمها نستنتج انها متعلقة بالقلب، فأثناء ممارستها يرتفع معدل نبضات القلب
وهي تمارين هوائية ( بدون آلات ) او تمارين لاهوائية ( بأستخدام الاَلات ) يعني اي تمرين تحسين فيه بحركة الهواء حولك هو من تمارين الكارديو
معظم تمارين الكارديو تعمل على كافة اجزاء الجسم وتهدف الى إذابة الشحوم
ومن أمثلة التمارين القلبية المشي والقفز ركوب الدراجه والجري
*من الأخطاء التي تحدث في التمارين القلبيه عدم انتظام التنفس مما يحدث الم في الخاصره
كثير بنات تقول لما أمارس الرياضه احس الم بالخصر سواء بجنب او بالجنبين، السبب عزيزتي هو عدم انتضام عملية التنفس
فاحرصي على مراقبة عملية تنفسك اثناء التمرين ومع الوقت بتتأقلمين وبتضبط معك عملية التنفس بدون مراقبه
تمارين المقاومه ( تقوية العضلات):
في هالنوع من التمارين راح تعتمدين على مقاومة ثقل، اما ثقل جسمك مثل تمارين البوش اب، او ثقل اوزان ( دامبلز) مثل تمارين السكوات.
تمارين المقاومه راح تشد لك العضل وتصقله وفي تمارين المقاومه نقدر نختار أكبّر هنا واصغّر هنا بأختيار الوقت والتكنيك المناسب. راح نتكلم عنه بعد شوي
* كثير اخطاء تحدث في تمارين المقاومه ومنها:
١- الاندفاع والحماس: تجيك وحده ماعمرها سوت رياضه وتسوي ١٠٠ مره سكوات و ٥٠ بوش اب! اتقي الله في نفسك!! النتيجه الم شديد وربما تمزق عضلي !!
للمبتدئين في البوش اب على سبيل المثال: سويها بالاعتماد عالركب او استناداََ على جدار الى تقوى عضلات يدك وتقدرين تسوينها بأستقامة جسمك كامله
مثال عليها 
٢- وضع الظهر: وكثير مانشوف هالخطاء في تمرين السكوات، بأي تمرين حطي ببالك انه وضع الظهر لازم يكون قائم لا تنحنين أبدا، نتيجة هالخطا الم ومافيه اي نتيجة من التمرين 
🏼
مثال
٣- وضع الركب في تمرين السكوات: ايضا من اكثر الأخطاء المتكرره تقريب الركب من بعضهم❌ النتيجه الم في الظهر ونتائج بطيئة لتمرين، الركب لازم تكون بعيده عن بعض مثل الصوره 🏼
٤- وضع الرأس والرقبه: أبدا أبدا لا تنحنين برقبتك اثناء التمرين، هالخطاء يسبب الام لرقبه انتي في غنا عنها، الوضعيه الصحيحه ان يكون الرأس والرقبه في زاوية قائمه، شوفو الصور كيف وضع الرقبه
اما بالنسبه لتمرين السكوات من الخطاء تقدم الرأس على مستوى الركب ❌ مثال 🏼شوفي بالصوره B كيف الرأس متقدم مما يسبب ب الم بالركب والظهر ⚡️
الان خلّونا ننتقل للخلطه السحريه ( ازيد بمكان وانقص بمكان) ⚡️
اولا محد بيفهم بشكل جسمك غيرك، وقفي قبال المرايا وشوفي انتي ايش ناقصك، صارحي نفسك محد حولك ينتقدك ويجرحك بكلامه، شوفي جسمك ايش محتاج لو ماعدلتي من نفسك محد بيجي يعدلك، وخلونا صريحين احنا بمجتمع لا يرحم بتعليقاته الاذعه، لين متى بنجلس نسمع وننجرح متى ناوين نتغير؟ ( كأني طلعت عن الموضوع 
) المهم حبيباتي، عشان توصلين للي تبينه لازم تنتبهين ع أشياء مهمه، ركزي معي 
🏼
اولا: التنويع بالرياضات، التنويع ثم التنويع ثم التنويع ( كل اللي يجيني بالدايركت عن السكوات ) ليش كذا لأحس عقولكم ي بنيٓاتي ، كل ما نوعتي بالرياضه كل ما حصلتي على نتائج افضل وأسرع
على سبيل المثال تمرينك مدته 35 دقيقه شرط أساسي يبدأ بتمارين احماء وينتهي ب أطاله وتمدد عشان تتفادين وتخففين من الام العضلات
طيب ومابين الاحماء والإطالة والتمدد؟ كله سكوات اقتلكم ترا!! نوعي مابين تمارين خاصه بالجزء العلوي والسفلي وكامل الجسم وتمارين المعده مثل طريقة تمارين جيليان 🏼 ( طبعا هذا واحد من سلسة تدريباتها)
ثانيا: الوقت، ايه نعم الوقت بتجي وحده تقولي خطأ نتقيد بوقت معين بيصيبنا ملل من الروتين! صح كلامها انتي مو مقيده بوقت محدد بس فيه أوقات يزيد فيها نسبة الحرق للي يبي يخفف مثل وقت الصباح اول ماتقومين من النوم، لان المعده خاليه اللي حابه تنحف هالوقت جدا مناسب لها طيب نجي لوحده تبي تخفف من منطقة البطن والزنود بس ؟ تسوي رياضات خاصه بهالمنطقتين اول ما تقوم من النوم 🏼 وهذا اول تكنيك
ثالثا: الوزن والسرعة، جمعتهم بنقطه وحده لأنهم مترابطين. التكنيك هنا يقول المنطقة اللي تبين تزيدينها استخدمي لها وزن ثقيل مع سرعه بطيئة، كيف؟ يعني وزن بالقدر اللي تتحملينه مو اكبر من طاقتك ( المبتدئين كويس ٢ كيلو) وتقومين بحركة التمرين بشكل بطيء، مثال: بتزيدين من عضلة اليد: وزن بالقدر المحتمل وترفعين يدك بشكل بطيء
والعكس اذا حابه تنقصين من المنطقة: وزن خفيف وسرعه عاليه
مثال: بتنقصين من عضلة اليد: وزن خفيف وترفعين يدك بشكل سريع
رابعا: التكرار، ونقصد بالتكرار هنا كم مره تسوين التمارين
للي تبي تزيد بمناطق معينه ٣ او ٤ ايام بالاسبوع مع المشي لمدة نص ساعه يوميا، ليش؟ لان العضلة اللي تبينها تزيد لازم تعطينهم وقت لراحه والتمدد ويصير بعدها بكم يوم ترجعين تشدينها واليوم اللي بعده راحه وتمدد مما يساعد بزياده حجم العضله
* وأخيرا نتكلم عن قبل وبعد الرياضه
قبل الرياضه بنصف ساعه عصير الحريري، ايش هو عصير الحريري ؟ هو نسبه لصاحبه الاخو محمد الحريري @alhariri_mh هذا حسابه بانستقرام. العصير عباره عن موزه، ملعقه زبدة الفول السوداني، كأس حليب منزوع الدسم، وملعقه عسل. راح تعطيك طاقه لتمرين وتساعدك بزيادة الوزن
بعد التمرين ضرورة اكل وجبه بروتينيه وفي حالة اللي ماتقدر تأخذ بروتين كافي من الاكل ممكن تاخذ بودرة البروتين الموجوده ب GNC ارمال ⚡️🏼
بكذا يكون انتهى اللي عندي لليوم، اي سؤال اتركوه لي بالتعليقات 
️
